Jan 18

I am speechless…

Фасцинантно е како може љубовната поезија на Жак Превер (Jacques Prévert) и после толку години да биде инспиративна. Музиката е на Лидија Пујол, а песната e Порака, од стихозбирката ,,За тебе љубов моја”.

Jan 17

Толку многу пишувам, толку многу излегло од мене, што заборавам и што сум напишала веќе. Одамна научив да ги оттуѓувам речениците… да не ги препрочитувам, за да не мора по втор пат да ги преживувам … Да не проаѓам низ истото искуство.

 

Низ телото ми шетаат милион мали клучиња кои отвораат, затвораат и пропуштат луѓе, идеи, сништа … соништа и сеништа. Под сенките човечки танцувам, во ритамот на патешествијата. Се обидувам да ја скротам мојата ДНК, бидејќи некој или нешто … се обидува да ја промени. Мислите поминуваат низ моите крвни жили и ги оштететуваат засекогаш оставајќи трага во вид на зборови. Ако некогаш и некаде ме сретнеш, знај, тоа не сум јас. Тоа е искуството низ кое си поминал додека си ги читал овие редови.

Jan 10

Со изложбата на слики од Пикасо во Софија која започна пред еден месец и со претстојнава изложба на Хуан Миро во Белград, имам чувство дека уметноста од светски ранг не само што поминува покрај нас, туку и не одминува.

Изложбата на Хуан Миро (Joan Miró) во Кнез Михајлова, во т.н. Шпански културен центар е една од работите кои не би требало да ги пропуштите во животот. Човекот кој во својот живот не бил само сликар туку и склуптор, керамичар, графичар како и изработувач на мурали и таписерии се смета за еден од најголемите светски претставници на апстрактното надреалистичко сликарство. Неговата лирска фантазија и ирационални форми довеле до една навидум дисторизрана уметност како одраз на своевидната реалност. Бил воодушевен од пештерската уметност и од праисториската склуптура.

Сликите на Миро се наоѓаат во повеќе светски музеи, а тој е автор и на муралот “Wall of the Moon and Wall of the Sun” кои го краси еден од ѕидовите на зградата на UNESCO во Париз. Неговата таписеријата која се наоѓаше во Светскиот Трговски Центар во New York City (Кулите Близначки), се смета за едно од најскапите загубени дела за време на нивното уривање.

Според некои историчари на уметноста означен како главен претставник на органското кило на надреализмот, Миро лично за мене има дела кои се одликуваат со многу фантазија и хумор. Но исто така и дела кои се пребогати со знаци и симобли чие толкување бара разбирање на заплетканите лавиринити од потсвесното. А јас тргнувам за Белград во моето лично паташествие, за да ги откријам…