Јас плачев
над глава светлина ми капеше
за рака фатени
под миросувањето поминавме
Влегов меѓу ѕидините
со писанијата од псалмите

часовникот отчукуваше
ветрот запре, но умот се движеше

не сетив кога ме изнесоа

повеќе не стапнав
до целта стасав
и молчев тажна на патот без премин
и чекав да дојде редот на тебе!

04.04.2010 Недела (Велигден)

Влегување во Ерусалим

Стоиме: Тој пресветол

Јас темен. Одеднаш:
Водите се отворија
Дверите се затворија.
Од душата тогаш
Пркнаа славеи
И исчезнаа зад ѕидиштата.

Значи: влегов во Ерусалим?

Не, не влегов јас
Од таму ме изнесоа.

Михаил Ренџов – Нерези, пролетта ‘79

По воскреснувањето на Лазар, влегувањето на Исус Христос во Ерусалим е уште еден од многубројните знаци одредени според старозаветното пророштво. Цветници се празнуваат во неделата пред Воскресението и сигурно претставува најдраматичниот празник меѓу Дванаесетте големи празници. Го означува почетокот на најтешката седмица во историјата на човештвото наречена уште “Страсната Недела”: моментот од влегувањето на Исус Христос во Ерусалим па се до Воскресението. Овој настан би требало да се датира веројатно некаде околу 33 година кога Исус Христос пристигнувајќи во близина на Ерусалим им заповедал на двајца од своите ученици од блиското село да најдат и доведат младо магаренце.

„Учениците отидоа и го извршија она што им беше заповедал Исус: ги доведоа магарицата и ослето, ги ставија врз нив своите облеки и Исус седна на нив. Голем број луѓе ги постилаа своите облеки по патот, други кршеа гранчиња од дрвјата и ги постилаа на патот. А народот што врвеше пред Исус, како и оние што одеа по Него, воскликнуваа, извикувајќи: Спаси не сега, Сине Давидов. Благословен е тој што доаѓа во името господово. Спаси не сега Ти, Кој доаѓаш од небесните восочини“ (Матеј 21, 6 – 9).

За многу години да ни е празников

Среќни Цветници

Можеби е ова термин кој повеќето од вас ќе ве збуни, но секако е јасен исто како и оној оригиналниот – Обрезание на Исус Христос. Тое е еден од 12-те големи празници, и се слика по црковните канони после Благовештение и Раѓањето на Исус.

Според стариот еврејски обичај, машкото дете по раѓањето, на осмиот ден се носело во црква, каде се обрезувало при што потоа добивало име. Доколку не се случел овој адет Евреинот кoј не е обрезан се сметал за нечист и не можел да биде член на Еврејската заедница.

Сретение Господoво
Икона од XII век од иконостасот во манастирот “Св. Катерина” во Синај

Но на 14-ти Јануари според Јулијански календар не е само Обрезанието Христово. Тоа е денот кога се слави православната Нова Година (т.е. Стара Нова година) и ден кој е посветен на Св. Василиј Велики. За ова славење се имам изјаснето во еден претходен текст.

Многу нелогичности постојат околу термините за празнување на некои традиционални празници во православниот свет. Следејќи ги минатогодишните постовите на Кибицер – “Грегоријански v.s. Јулијански календар“, и на Волан – ,,Крив ни е календарот“, и јас да се произнесов по повод ова прашање. Во средновековното фрескосликарство исто како и во црковните канони, си постојат правила и редоследи како се сликаат некои икони и циклуси кои останале непроменети стотици години. Покрај другите, еден од највпечатливите циклуси е и оној на ,,12 Големи празници”. Тој почнува со: ,,Благовестие”, потоа со ,,Раѓање Христово”, ,,Сретение”, ,,Крштевање на Исус Христос”, итн…

Редоследот по кои се сликаат сцените е истиот оној кој е запишан во Новиот Завет. Чинам малку повеќе ни се изместиле репериве за прославување, зошто прво ја славиме Нова година кога Исус (веќе роден) го обрезале во храмот (т.н. Обрезание на Господ Исус Христос), за да неколку дена подоцна го славиме и официјално неговото Раѓање. Така да навистина нашето славење го гледам како крајно нелогично.

Сретение Господово
Црква Св. Ѓорѓи, Старо Нагоричане (кумановско), 14 век

Во продолжение накратко ќе ги опишам канонските правила како се слика и како можете да го препознаете Христовото Сретение во византиските цркви.

Во храмот под “небото” со купола стои трпеза, на која се гледа златна кадилница. Тука Св. Симеон Богопримецот го држи на раце бебето Христос и го благословува. Наспроти него, во близина на трпезата, стои Богомајката и му ги пружа рацете. Позади неа е Јосиф кој држи два гулаба. Малку подалеку од нив е пророчицата Ана која покажува на Христос и држи хартија со зборовите ,,Ова младенче ги создаде небото и земјата“.

Денеска некако ми тргна со афирмација на македонското културно богатство. Во овој случај се работи за статијата на Катерина Богоева од Утрински Весник насловена како Манастирот „Свети Јоаким Осоговски“ држи чекор со времето.

Значи сепак ако се сака, може да се пишува и вака.

Линк до статијата

,,и како и на секој преоден момент во годишниот циклус, се верувало дека ноќта пред Ѓурѓовден настапува време кога се будат демонските сили на хаосот , “небото се отвара“ и влегува во конфликт со земјата и тоа е време кога по магиски пат тие сили можеле да се искористат за стимулирање на плодородноста.“

Ова е цитат изваден од еден пост на лотос за Ѓурѓовден, во врска со кој можам да го додадам следното.

Една година по некаква си наша потрага, јас и мојот пријател етнологот Димитриовски Вања отидовме во Демир Капија, барајќи податоци за пештерата Горен Змејовец. По обичај правевме муабет со селаните од локалните села по прашалник кој ние самите си го составивме, за да извлечеме релевантните податоци кои на нам ни требаа. Во овој случај тоа беше еден човек од с. Дрен, кој беше љубезен да ни одговори на повеќе од стотината прашања кои му ги поставивме. Тука постирам само дел од разговорот кој се однесуваше токму на Ѓурѓовден.

- А Ѓурѓовден каде рековте дека …?
- За Ѓурѓовден одиме во селото ? Пишница? горе. Таму се собират … панаѓур е тоа и прават … курбан … јагне таму колат.
- Тоа црквата го прави?
- Има домаќини …
- А јагнето од кого е, од црквата или од селото?
- Домаќинот што го бира црквата. Ваа година има домаќин, од другата година друг ќе ја земе. Така …
- И како се бираат домаќините?
- И така се бират, кој сака да даде прилог … кој ќе даде поише …
- А се даваат и пари за тоа?
- Е па сигурно дават, не знам јас … Кој како сака, … одгодина … самоволно се заречува, дај да бидам јас.
- Како на пример некој што се зарекол, зошто се зарекол, знаете ли за нешто?
- Детто ли, жената ли, … нешто … такви работи. Се заречуват – јас ќе ја гледам црквата една година или две години, за мое здравје да имам.
- После тоа откако бил домаќин, оздравува детето, на пример, или жената се едно.
- Сигурно имат оздравено. Не знаеме ние толку.
- А таму кога идете за Ѓурѓовден преспивате таму?
- Домаќинот има … кој што сакат си преспиват, некои жени кои сакат, а кои не сабајле ќе одат, ќе го истерат Ѓурѓовден и ќе се вратат, оти таму нема куќи … ги исселија, нема више. Таму има некои викендички, тие си се таму и можат една недела да си ?седат? … иначе другите ќе одат сабајле, вечер ќе се вратат.
- А тоа ли е постаро село од Дрен?
- Постаро е изгледа оти воа Дрен тука е населено наново. Воа село било поугоре, а има друго … се вика Стари Дрен.
- Дали е од турско или е од порано?
- Турско – порано … Не знам … па дали и старите го знаат тоа.
- А ти бабичке знаеш зошто пештерата се вика
- Змејовец се вика … оти ?,, бикофите”? … боските има на пример Змејовец?боски од крави, боски од кози, од сите животинки. Да сокапиш 3 ка ти се разболе детето или …, ќе го измиеш …
- Тие ќе ги измиеш – боските и водичката ја намачкаш?
- Тие боските што се во пештерата или?
- Тие од вода се направени … кога одат сите кршат за дома.
- Што капе има стожер така голем, што капе капка по капка … е таму горе (***заб. : најверојатно се работи за столбот во Долен Змејовец)
- Таа е лековита вода?
- Аха.
- А Змејовец, што значи Змејовец?
- Така се вика.
- Ама значи ли нешто тоа име?
- Има значење оти е лековито това.
- Ние мислевме да не има некоја прикаска?
- Не, не.
- Јас сум слушнал дека таму имало некој змеј што се скаменил?
- Можда имало, но ние не го знаеме. Во старо време можеби. Ние сме тука а не го знаеме тоа.

Покрај многу други работи тој кажа дека луѓето од таа околија имаат обичај (посебни нероткињи) да одат на Ѓурѓовден во споменатата пештера и да прават обичаи со кои би ја стимулирале својата плодност.

И како многупати до тогаш се соочив да видам на дело како мештаните слават верски обичаи кои потекнуваат од пред- христијанскиот период.

Рзговорот го имав запишано на диктафон. Интервјуто беше водено на дијалект и користам можност да му се заблагодарам на мојот професор Никос Чаусидис кој ми помогна при дешифрирањето. Најпровокативен дел од разговорот беше оној кога зборуваат за самовилите. Но тоа ќе го оставиме за друг пат.

Среќна слава и именден на сите што го прославуваат Ѓурѓовден.

Текстот е репринт.

Дали би сакале еден ден од животот да го поминете под маска? Да шетате така низ градот, неговите улички, да седнете на кафе на плоштадот, да се измешате со илјадниците луѓе и да флертувате без да бидете препознаени.

Еден од популарните настани во светот кој ви дозволува да бидете личност за која само границите на фантазијата се лимит, а притоа да останете анонимни, е Карневалот во Венеција. Според официјалниот саjт, историјата на оваа прослава веројатно е многу поранa од првиот пишан податок кој датира од 1268 година. Во текот на своето постоење, само во два наврата се случило да не биде одржан настанот кој оваа година покрај другото, одбележува 300 години од раѓањето на Карло Голдони, венецискиот драмски писател.

За Карневалот е кажано многу, исто така напишано поприлично, и покрај тоа што може да се видат маски со најразлично потекло, сепак одстанува фактот дека убаво би било секој од нас автентичноста да ја почувствува лично. И да го разбуди можеби паганското во себе.

За презентацијата која е од 2006 година му благодарам на мојот пријател Алеш од Словенија, и воедно ја користам можноста да го поздравам него и неговата фамилија.

Carnival of Venice

Оплакување на Христос, фреска Нерези, Скопје (1164 година)

„Оној што некогаш ја затвори бездната сега мртов се гледа и завиткан во смирна и плаштаница Бесмртниот како смртен во гроб се полага, а жените, плачејќи горчливо, дојдоа да Го помазат со миро, велејќи: ’Оваа сабота е најблагословена, зашто во неа Христос Кој заспа, по три дена ќе воскресне’.“

На сите православни и римокатолици, пријатели, читатели или попатни минувачи низ мојот блог, им ги честитам Велигденските празници. Нека ви е само за арно, и за многу години.

Христос воскресна, навистина воскресна.

Можеби е ова термин кој повеќето од вас ќе ве збуни, но секако е јасен исто како и оној оригиналниот – Обрезание на Исус Христос. Тое е еден од 12-те големи празници, и се слика по црковните канони после Благовештение и Раѓањето на Исус.

Според стариот еврејски обичај, машкото дете по раѓањето, на осмиот ден се носело во црква, каде се обрезувало при што потоа добивало име. Доколку не се случел овој адет Евреинот кoј не е обрезан се сметал за нечист и не можел да биде член на Еврејската заедница.

Но на 13-ти Јануари според Јулијански календар не е само Обрезанието Христово. Тоа е денот кога се слави православната Нова Година (т.е. Стара Нова година) и ден кој е посветен на Св. Василиј Велики.За ова славење се имам изјаснето во еден предходен текст.

Планиравме за Василица да одиме со брат ми во Вевчани, и на кратко да скокнеме до Милешево на локалниот карневал. Ама него го кутна current influenca и не ми се оди сама без некој поуздан етнолог. Бидејќи сигурна сум дека од сите етнолози на терен, тој ден брат ми ќе беше најтрезниот. Епа така требало изгледа да биде. Ќе си го изгледам Карневалот на телевизија (вчера имаше директен пренос на МС) , а вие ќе си пребарате на гугл нешто за читање.

Многу нелогичности постојат околу термините за празнување на некои традиционални празници во православниот свет. Следејќи ги постовите на Кибицер – “Грегоријански v.s. Јулијански календар“, и на Волан – ,,Крив ни е календарот“, решив и јас да се произнесам по повод ова прашање.

Во средновековното фрескосликарство исто како и во црковните канони, си постојат правила и редоследи како се сликаат некои икони и циклуси кои останале непроменети стотици години. Покрај другите, еден од највпечатливите циклуси е и оној на ,,12 Големи празници”. Тој почнува со: ,,Благовестие”, потоа со ,,Раѓање Христово”, ,,Сретение”, ,,Крштевање на Исус Христос”, итн…

Редоследот по кои се сликаат сцените е истиот оној кој е запишан во Новиот Завет. Чинам малку повеќе ни се изместиле репериве за прославување, зошто прво ја славиме Нова година кога Исус (веќе роден) го представиле на Симеон во храмот (т.н. Сретение т.е. Обрезување на Исус), за да неколку дена подоцна го славиме и официјално неговото Раѓање. Така да навистина нашето славење го гледам како крајно нелогично. И нецрковно.

И немојте оправдувања од типот дека ете ние ја славиме Василица или Стара Нова година, зошто на тој ден работат сите, за разлика од Новата година која е всушност верски, но преминал во повеќето држави во државен празник.

За воља на вистината, МПЦ уште во 1967 год. донела одлука да се напушти Јулијанскиот календар, но оваа одлука никогаш не стапила на сила. Црквата била паметна, па рекла дека научниот свет треба да го реши тоа, оградувајќи се мудро од било какви промени. Но, мислам дека е крајно време МПЦ да не чучи по страна и да го даде својот став.

Од друга страна пак, Бадник е пагански обичај инкорпориран да се слави во сврха на Бoжиќ, при што се пали Бадниково гранче, а палењето секако дека не спаѓа во христијанските обичаи. Пак нелогичности нели, ама Православната Црква ги прифатила за да може да си ги задржи верниците. Ако го прифатила тоа не гледам причина да не се прифати и славењето на Божиќ на 25-ти Декември.

Инаку горе-доле (со варијанти на тема) традиционално се знае редоследот на настаните пред Божиќ. Прво е палењето на огнови, па Коледарите, следниот ден е Бадниковата посна вечера, Кршењето на лепчето, Паѓање на паричката и Божиќ или Рождество Христово.

Што се однесува до терминот Божик или Божиќ, мислам дека секој има право да го нарекува како му е по воља, говор, како го научил додека бил мал, се додека не менува ништо во традиционалните обичаи. Бидејќи традицијата и обичаите се една од одликите кои не двојат од останатите етноси.

Затоа мои драги пријатели, блогери, читатели…

На сите вас Ви посакувам Радост, Љубов и Мир, Стрпливост и Спокојство, бидејќи

Христос се роди

Навистина се роди

Среќен Божиќ

Коледе леде
паднало греде
утепало деде
деде се мачи
баба го квачи
со четири јајца
гускини, шаткини.

Денес е Коледе,
утре е Божиќ
ќе колеме теле
теле вика леле
не колете мене
ќе ви купам зеље
да месите пита
да јадете сите.

Коледееееееееее…

Како и секоја година, за овој ден мојот ритуал е однапред одреден. Вечерва прво одам кај еден мој пријател на роденден, потоа одбираме место каде ќе се придружиме за палење на огновите, секое утро на 6 јануари сум ненаспана од поминатите коледари и потоа доаѓа мојот натопол ден во годината – Бадник.

А да ќе заборавев…одамна не месам пита со паричка дома. Ја купувам во Жито Лукс. Епа нели сум сајбер домаќинка на 21 век де… )))

За многу години да се празнициве, нек се угодат