Носам аманет на челото
втиснат печат јасно видлив жиг.
Знам од каде доаѓам
и каде ме праќаат

Го давам своето сведоштво
да остави печат на времето,
се жигосувам себе си по душата
никогаш во животот да не заборавам
на кого припаѓало
тоа што вредело.

poetry, blog, macedonian, phenomenon, поезија, блог, македонски, жигосана

тоа се само гени?

photo bt: Wojciech Grzanka

Кога го градеа манастирот

Мајсторите окна направија

Лачни.

Низ нив
Болката им влегуваше
И троа виделина
Од очи што им капеше.

Најсетне,
Очите кога им истекоа
Рој светулки и ѕвезди
Го населија манастирот
И се распршаа по
Сводот.

Михаил Ренџов – Нерези, пролетта 81

Клучни зборови: poetry, blog, macedonian, windows, monastry, Nerezi, Mihail Rendzov, поезија, блог, македонски, окна, манастир, Нерези, Михаил Ренџов

 poetry , blog, macedonian, frame поезија, блог, македонски, рамка

poetry, blog, macedonian, empty, word, talking, поезија, блог, македонски, празен, збор, зборување

Солзи од вино
не знае за студенило
да
црното сака собна температура
а јас сакам црно
тешко
темно
аголов каде се скрив
да наздравам
нема за што
ќе спијам
лажев
пиев за мене
мислев на тебе
чисто
другарски
се скрив
плачев
со солзи од вино
ги нема
тоа виното ги стопи
во стих
на собна температура
замижав и те бакнав
во градата
другарски
сега пак пијам
не кажав
пишав
…
…

не плачи

homemade by Рибаро

Клучни зборови: poetry, blog, macedonian, tears, wine, dedication, Ribaro, поезија, блог, македонски, солзи, вино, посвета, Рибаро

Кирилицата во моите букви

офкаше,
а јас се прашував
како да им наметнам на глаголите
естетика?

Песната, кентаурот
и дрвото со јаготки
демографија на една салата
и 3 аршина психоделија.

Сенката на обелискот е голема
колку што е должината на
една
скандинавска ноќ
а гревот од пред 5000 денови
замре во моментот кога
те поместив во просторот.

Ова е реплика на истоимениот текст на Попек, и еден од можните одговори на поставеното прашање…

СУДАР

Кога првиот пат го видов
не ни се судрија ни погледите.
а го сретнав кога
денот ја бакна ноќта.

Кога вториот пат се судривме,
беше зошто погледот
случајно му залута каде што стоев,
местејќи шнола со облик на пеперутка
во косата на својата девојка.

Кога третиот пат се судривме
беше и повеќе од вистински.
Се судрија две вистини, два света,
но следен пат немаше.

Од тогаш поминаа многу лета
господови,
јас секој ден се враќам
по десет чекори наназад
и скоро секоја вечер го преживувам
истиот судар.

Посветено на *****
poetry, blog, macedonian, clash, поезија,блог, македонски, судар

Низ градот чекорев
крај базиликата застанав
во песокот круг нацртав.

Некој ме праша:
,,теос ли е тоа”?

Пројдов крај театарот
седиштата се скаменија
чувствата ги позајмив
скене-то го напуштив.

Продолжив по главната улица
стигнав до библиотеката
боите на градот се сменија
морето замириса.

Од милост или љубов
појдов кон бродовите
Таму каде почнав,
таму го затворив
кругот на световите.

ancient times, poetry, blog, macedonian, древнини, поезија, блог, македонски, судар

Не ќе беше абим…
И зошто е така?
Скротено на нескриено
вијализа до покриеност.

Креација, името ти е предходница
во ноќи дифузно извртени
колонии разредено се издолжуваат

кон дестилацијата на постоењето.

poetry, blog, macedonian, untranslated, поезија, блог, македонски, нетитлувано

poetry, blog, macedonian, sound, silence, поезија, блог, македонски, звук, тишина